Rrjetet sociale janë kthyer në një burim të rrezikshëm dhune mes të rinjve. Rasti më i fundit është i një të riu shqiptar i cili dhunohet pa mëshirë nga një grup moshatarësh të tij, teksa e pyesnin nëse ka sharë në video live në Tik Tok, një djalë me emrin Fabio Dushku.
“Ti e shave Fabio Dushkun?”, dëgjohet të thonë dhunuesit në një video të siguruar nga JOQ.
Nuk dihet nëse pamjet janë realizuar në Shqipëri apo jashtë vendit. Dushku për të cilin ndodhi dhe incidenti i rëndë i dhunës ndaj të riut, është një i dënuar shqiptar në burgjet greke. Ai është i njohur në rrjete sociale, kryesisht në Tik Tok, ku edhe nga qelia realizon video live.
Ai gjithashtu porosit krime të ndryshme, përfshirë dhunimin apo rrëmbimin, e njerëzve që flasin kundër tij.
