Endri Shabani deklaron krijimin e partisë së re “Thurja”. Këtë të shtunë do të zhvillohet një aktivitet publik ku do shpalosin një plan për zgjedhjet e ardhshme. Ndër të tjera ai ka shprehur dëshirën për tu angazhuar më shumë në vendimmarrje. Ai ka deklaruar edhe për raportet me Rudina hajdari dhe takimet me Ambasadoren Yury Kim.
“Ne duam të marrim pjesë në qeverisje dhe këtë e kemi bërë përmes Shoqërisë Civile ndërsa tani do e bëjmë me pjesën e partisë politike. Me Rudina Hajdarin kemi bashkëpunuar në kuadrin e përfaqësueses në Këshillin Politik. Ne kemi menduar që të vazhdojmë këtë bashkëpunim duke parë se si mund të kontribuojë gjithësecili. Kemi vendosur që të mos kemi asnjë person që ka marrë pjesë në qeverisjen e vendit deri më tani. Ka qenë një bashkëpunim mes shoqërisë civile dhe një personi politik. Darka me ambassadoren Yuri Kim ishte një darkë informale. Nga jashtë ne nuk po ndryshojmë dot asgjë ndaj duhet që të angazhohemi më shumë në politikë. Kanë ndërtuar një sistem që është antidemokratik.
Personalisht kam një neveri për mënyrën se partitë politike veprojnë si çeta ushtrie. Nuk ka për të ndodhur asnjëherë që ne të na përdorin politikisht për të sulmuar njëri-tjetrin. Këtu nuk ka alternativë, pasi në Shqipëri funksionon qeveria më e keqja më e vogël. Këtu nuk ka alternativë. Politika është përfaqësi, parlamenti ka 140 deputetë. Unë besoj që ka shumë qytetarë që nuk përfaqësohen në parlament. Nëse ne arrijmë që qytetarët të kenë një përfaqësi në parlament, edhe në kuadrin e deputetit të opozitës. Nuk do të bashkëpunojmë me asnjë prej partive politike aktuale” – tha Shabani.
Duke folur për organizimin e nismës “Thurje”, Shabani deklaroi se nuk do të funksionojë në formën e partive të tjera politike me struktura të ndara, por si një grup të rinjsh për të diskutuar idetë e gjithsecilit.
Ai foli dhe për pjesën e financimeve për të cilën tha se janë ambasadat amerikane e zviceriane por edhe kontribute nga qytetarët.
/GazetaReforma.com/
