Deputeti opozitar Ralf Gjoni, pas hapjes së seancës dhe deklaratave nga foltorja e Kuvendit të Komisionerit për Zgjerim të KE, Oliver Varhelyit, ka folur në seancën plenare shumë i revoltuar.
Gjatë fjalimit të tij me tone të ashpra, ra në sy edhe mbishkrimi në maskën e tij të cilën e mbante teksa fliste për shkak të masave anti-covid, ku shkruhej në gjuhën angleze “Shqipëria nuk është Bashkimi Sovjetik”.
Deputeti u shpreh se këtë thënie e kishte vendosur në maskë, në shenjë proteste ndaj vizitës së Varhelyit.
Gjoni u shpreh se do kishte preferuar që komisioneri të angazhohej edhe në një seancë të posaçme bisedimi me deputetët e Kuvendit, sic bën edhe në Parlamentin Europian.
“Do kisha preferuar që komisioneri të angazhohej edhe në një seancë të posacme bisedimi me deputetët e Kuvendit, sic e bën edhe në Parlamentin Europian. Nuk ndodhi dhe unë kam vendosur këtë maskë si shenjë proteste. Kanë mbaruar kohët kur Hrushovi vinte në Shqipëri dhe delet duartrokisnin për çdo hap që hidhte ai”, tha Ralf Gjoni./GazetaReforma.com/
