Samiti i Berlinit ka qenë padyshim kryefjala këto dy ditë dhe kjo për shkak të motivacionit që kishte.
Një nga shtetet që ka dalë më e zhgënjyer prej takimit ka qenë pikërisht Kosova dhe kjo për shkak se nuk u dha asnjë mundësi për liberalizimin e vizave.
Pikërisht për këtë aryse në një intervistë për prestigjozen Financial Times, Presidenti i vendit Hashim Thaçi ka dhënë edhe një herë mendimin e tij rreth takimit, por këtë herë duke përdorur tone më të ashpra. Sipas Thaçit, i gjithë Samiti ka qenë një fjalim bosh dhe pa asgjë konkrete.
Por nga ana tjetër presidenti nyk ka kursyer edhe BE-në, për të cilën thotë se dyshon se dikush prej tyre mund të bëjë diçka dhe rolin e SHBA-ve e quan vendimtar.
“Pa përfshirjen dhe rolin drejtues të SHBA’së, unë jam skeptik që dikush nga BE’-ja mund të bëjë diçka. Roli i SHBA’së është vendimtar për një zgjidhje. Ajo çka ne po synojmë është njohja e Kosovës nga Serbia, dhe kështu rruga për antarësim në BE do të jetë e hapur për të dy shtetet. Por nuk do ketë kompromis për pavarësinë e Kosovës, përndryshe do të mbesim në një konflikt të ngrirë që do kishte pasoja për të ardhmen dhe do kishte mundësi për konflikt të ri.
Jo vetëm unë, por të gjithë ne nga regjioni u ndamë të dëshpëruar nga takimi në Berlin. Nuk kishte asgjë konkrete, vetëm fjalime boshe. BE’ja është shumë e dobët dhe nuk është e bashkuar… Ata janë të okupuar me zgjedhjet në parlamentin e tyre dhe të frikësuar për rezultatin eventual. Andaj të gjithë po veprojnë në një mënyrë taktike dhe politike, dhe nuk po mendojnë strategjikisht.”-shprehet Thaçi.
