Rasti i parë pozitiv me Covid-19 u shfaq në Kinë por falë punës së madhe që shteti dhe mjekët kryen ata arritën ta përballojnë më së miri këtë situatë që u krijua.
Por edhe pse ia arriti të kalonte valë e parë edhe në Kinë po shfaqen dita ditës raste të reja me COVID-19 në provinca të ndryshme të vendit dhe për ta përballuar sa më mirë përhapjen e tyre kinezët kanë vendosur që të përdorin testimin masiv.
Kështu në provincën Xinjiang janë konfirmuar 138 raste pozitive por pa simptoma pas testimit të rreth 4,7 milionë banorëve.
Shkollat janë mbyllur, ndërsa qytetarët mund të largohen nga provinca vetëm nëse disponojnë një rezultat testi negativ për Covid-19. Testimi masiv nisi pasi një grua rezultoi e infektuar me koronavirus, rasti i parë në të gjithë Kinën në 10 ditë.
Ndërkohë, Kina nuk numëron asimptomatikët në bilancin total të të prekurve me Covid-19, por vetëm ata që shtrohen në spital.
