Është rënduar sot në mëngjes bilanci i tragjedisë së ndodhur dje në rajonin e Egjeut, ku si pasojë e një tërmeti të fuqishëm, Turqia dhe Greqia pësuan dëmtime të mëdha.
Ekipet e shpëtimit të cilat janë në luftë me kohën, kanë që dje që po bëjnë të pamundurën për të shpëtuar qindra të humbur nën rrënoja në qytetet turke, por jo të gjithë ja kanë dalë.
Sipas të dhënë paraprake, tërmeti tragjik i magnitudës 6.6 të shkallës Rihter në Turqi i ka marrë jetën deri tani 24 personave.
804 qytetarë të tjerë kanë mbetur të plagosur, 743 në Izmir, 5 në Manisa, 2 në Balkesir dhe 54 në Aydan.
Tërmeti është pasuar nga 410 pasgoditje, 33 prej të cilave me magnitudë mbi 4.0. Ndërkohë, mëngjesin e sotëm, rreth orës 08:30 me orën lokale në turke, Izmiri është goditur nga një tërmet i fortë me magnitudë 5.0 ballë.
Ekipet e shpëtimit kanë arritur të ndërhyjnë në 9 nga 17 ndërtesat e shembura, ndërsa puna për gjetje të jetëve të gjalla nën rrënoja ka vijuar pa ndalin edhe gjatë natës.
/GazetaReforma.com/
