Vetëm pak pas mesditës, një tërmet i fuqishëm goditi Turqinë dhe Greqinë, ku la edhe shumë pasoja, dëme dhe viktima.
Sipas raportimeve tërmeti ka qenë i një magnitude prej 6.6 të shkallës Rihter, ku si pasojë janë raportuar 6 viktima dhe 220 të plagosur.
Ndërkohë specialistët nga Agjencia Turke për Përballimin e Fatkeqësive, është shprehur se pasgoditjet po vazhdojnë, ndërkohë që i ka bërë thirrje qytetarëve të mos kthehen në banesa.
Gjithashtu ai është shprehur se në orët në vijim po pritet një tjetër cunami.
“Na ka ndodhur një tërmet me thellësi nga 10 deri në 12 km. Tërmeti ka prekur një zonë të madhe dhe ka shkaktuar dëme të mëdha. Ka një orë e gjysmë që ka rënë tërmeti dhe vazhdimisht ka pasgoditje. Mund të presim në orët në vazhdim pagoditje deri në 6 të shkallës rihter prandaj paralajmërojmë qytetarët për atë që do të vijë në orët në fillim.
Tërmeti ka prekur një zonë të gjerë dhe dëmet janë të pasqyruara në hartë dhe zona është mjaft e gjerë. Është bërë një lloj konvertimi që ne e përcaktojmë ballë. Ka zona ku është ndjerë 7.7, 6.7 ose 7. Është prekur e gjithë zona e Izmirit. Dëmet janë më të mëdha.
Po të shikoni, ka edhe zona që janë goditur nga cunami që ka qenë pak më shumë se një metër. 30 sekonda pasi ka rënë tërmeti janë njoftuar zonat bregdetare për cunamin që erdhi më pas. Ka pasur një lloj përplasje të dallgëve.
Mund të presim edhe dallgë më vonë deri në 60 cm. Kështu që si specialist të fushës i bëjmë thirrje qytetarëve të largohen nga brigjet”, ka thënë eksperti sizmiolog.
Kujtojmë se tërmeti me magnitudë 6.6 me shkallë Rihter ka rënë në detin Egje në orën 12:51, vetëm 19 kilometra nga ishulli grek i Samos dhe në shumë afër nga qyteti i Turqisë, Izmiri.
Deri në këto momente, në Turqi janë raportuar 4 viktima dhe 120 të plagosur. Ndërkohë që kërkimet vazhdojnë, dyshohet ende për viktima të tjera./GazetaReforma.com/
