Një tërmet me magnitudë 4.8 i shkallës Richter, ka tronditur sërish vendin tonë, një vit pas tërmetit të fuqishëm 6.4 ballë, në të cilin humbën jetën 51 persona.
Bëhet me dije se lëkundjet kanë ardhur me epiqendër në detin Adriatik. Sipas faqes europiane EMSC,
lëkundjet ishin në thellësi rreth 5 kilometër, gjë që si pasojë ka shkaktuar edhe lëkundje të forta. Epiqendra e tërmetit u lokalizua 17 kilometra nga Laçi dhe 27 kilometra nga Durrësi.
Ndërkohë IGJEUM-i ka bërë me dije se tërmeti ka qenë me magnitudë 4.1 në bazë të regjistrimit të lëkundjeve dhe jo 4.8 siç e ka dhënë faqja europiane e regjistrimit të tërmeteve EMSC-ja.
Sipas IGJEUM-it tërmeti ka si epiqendër 2 km në veri të Ishmit me një thellësi 2 km, ndërsa theksohet se këto janë të dhëna paraprake./GazetaReforma.com/
