Bilanci i Covid-19 duket alarmant në Greqi, teksa po përballet me një rritje të frikshme të rasteve të reja.
Në bazë të shifrave të dy ditëve të fundit demonstrohet një rekord rastesh të reja, të cilat sigurisht duhet të merren në konsideratë nga institucionet përkatse në Greqi.
Pardje dhe dje, Greqia shënoi respektivisht 21 mijë dhe më shumë se 28 mijë raste, ekspertët presin që gjatë ditës së sotme të shkohet deri në shifrën 35 mijë raste pozitive.
Nga frika e asaj që pritet të ndodhë në të ardhmen duke vlerësuar këtë trend alarmant ë rritjeve të infektimeve, qeveria greke nuk ka ndenjur indiferente. Për të ndaluar përhapjen e Omicron qeveria ka vendosur masa të reja që fillojnë aplikimin që sot dhe parashikojnë gjoba më të rënda
Në vendimet e reja të qeverisë greke thuhet se për kryerjen e cdo forme të mbledhjeve dhe eventeve argëtuese në një hapësirë private joprofesionale të marrë me qira për këtë qëllim, si dhe kryerjen e çdo forme tubimesh dhe ngjarjesh argëtuese në një hapësirë private për shërbime argëtuese muzikore” i jep gjobë administrative prej pesëdhjetë mijë (50.000) euro qiramarrësit ose koncesionarit të hapësirës private, joprofesionale në të cilën ka ndodhur ose ndodh ngjarja.
Gjoba e mësipërme ka të bëjë me shkeljen e parë, ndërsa për shkeljen e dytë gjoba është 200 000 euro ndaj qiramarrësit ose koncesionarit të hapësirës private, joprofesionale, në të cilën ka ndodhur ose ndodh ngjarja.
