Shqipëria është goditur sërish nga një termët i fortë, duke rikthyer sërish panikun në vend. Lëkundjet kanë qenë të magnitudës 3.9 të shkallës Rihter, ndërsa epiqendra ka qenë në Bilisht, me thellësi 9 kilometra. Më herët, po në Blilisht është regjistruar një tjetër lëkundje me magnitudë 3.6 të shkallës Rihter.
Kujtojmë që Shqipëria u godit në 26 nëntor të vitit 2019 nga një tërmet i fuqishëm me magnitudë 5.9 ku humbën jetën 51 persona. Zonat më të goditura ishin Durrësi e Thumana, ku u regjistruan më shumë viktima. Lëkundjet shkaktuan panik në gjithë vendin dhe vazhduan disa ditë me radhë. Shtete të ndryshme si Italia, Turqia, Franca e Greqia u solidarizuan me Shqipërinë duke dërguar ekipet e tyre të ndihmës.
Kujtojmë që ditët e fundit edhe Greqia është goditur nga një sërë tërmetesh, lëkundjet e të cilëve janë ndjerë edhe në vendin tonë. Epiqendra ka qenë kryesisht në Elassona, ndërsa nga tërmeti i fuqishëm me magnitudë 6 të shkallës Rihter humbi jetën një person i moshuar 83 vjeç. Lëkundjet u ndjenë edhe në disa qytetet në jug të Shqipërisë, e madje në rastin e fundit u ndjenë edhe në Tiranë. Si pasojë e tërmeteve u shkaktuan dëme të shumta materiale, ndërsa qytetarët dolën në rrugë të frikësuar e ne panik.
