Lëkundje të forta të tërmeti janë ndjerë mbrëmjen e sotme në të gjithë Shqipërinë. Mësohet se tërmeti me magnitudë 5.8 gradë të shkallës rihter e ka pasur epiqendrën në Follorina të Greqisë, me një distancë prej 121 kilomtetrash larg Elbasanit.
Lëkundja që u regjistrua në orën 23:43 më orën lokale (22:43 në Shqipëri) ka shkundur të gjithë vendin tonë, kryesisht Korçën që është në kufi me Greqinë. Gjithashtu është ndjerë në Tiranë, Durrësi, Fieri, Elbasan, Berat, Vlorë, Korçë e Gjirokastër.
Deri më tani nuk raportohet të ketë dëme në njerëz apo materiale. Ministria e Mbrojtjes nuk ka publikuar ende të dhëna nga pasojat që mund të ketë lënë tërmeti në Shqipëri. Mediat greke gjithashtu nuk flasin për dëme në banesa e njerëz.
Instituti i Gjeoshkencave ka reaguar zyrtarisht pas tërmetit me epiqendër në Greqi që shkundi dhe vendin tonë. Në një njoftim për mediat, IGJEUM bën me dije se tërmeti me magnitudë 5.8 gradë të shkallës rihter ka rënë në kufi midis Maqedonisë së Veriut e Greqisë.
Konkretisht, sipas njoftimit ka qenë rreth 5 kilometra në lindje të Pogradecit.
“Per momentin kemi termet me M-5.8 Richter. Ndodhet ne kufi midis Maqedonise dhe Greqise dhe rreth 5 km ne lindje te Pogradecit,”- shkruhet në njoftim.
Ndërkohë media greke “Ta Meteora” njofton për tërmetin e fundit që ra në qytetin e Follorinës në Greqi dhe që u ndje në Shqipëri, Kosovë dhe Maqedoni të Veriut. Sipas Institutit Gjedinamik të Athinës, tërmeti është i shkallës 5.8 Richter dhe epiqendra e tij ka qenë 6 km nga veri-veriperëndimi i Follorinës.
