I njohur për paradat e tij të çuditshme në Kuvend, Dashnor Sula ka surprizuar sot të gjithë me paraqitjen e tij në seancën plenare.
Deputeti demokrat ka zgjedhur që sot mos të veshë kostum por një bluzë të bardhë, në të cilën kishte ngjyrosur inicialet e Agjencisë së Zhvillimit Rural dhe Bujqësor, një institucion mjaft i rëndësishëm, i cili është përfshirë disa herë në afera të mëdha korruptive.
Në përparësen që Sula mban veshur shkruhet “STERILIZIM”, teksa në duar përveç tufës së qepëve mban edhe një pankartë në të cilët shkruhet AZHBR.
I pyetur nga gazetarët, Sula theksoi se protesta e tyre para Kuvendit është vetëm e vetëm për të drejtën e komisioneve hetimore, që mazhoranca ua ndalon.
“Të gjithë i dimë abuzimet që ka bërë kjo mazhorancë, duke filluar nga Zv.Kryeministra e ministra, drejtorë që janë pas hekurave.
Unë kam ardhur sot në mënyrë simbolike për të treguar se aksioni ynë opozitar nuk është për interesa personale, absolutisht, kush gjykon që ta bëjë pis kur flet për z. Berisha, por aksioni do të vazhdojë deri sa të vihet në vend e drejta jonë kushtetuese për komisionet hetimore. Fatkeqësisht nga kjo mazhorancë kemi parë vetëm arrogancë”, është shprehur Sula.
