Në kuadër të masave anti-Covid, që Greqia ashtu sikurse shumë shtete ka vendosur, për të hyrë në territorin e shtetit grek duhej të paraqisje testin negativ PCR.
Ndërkohë ashtu sikurse është njoftuar një ditë më parë, qeveria greke ka vendosur që përveç testit negatit të PCR, mjafton për të kaluar kufirin edhe rapid test.
Njoftim e ka bërë vetë ministri grek i shëndetësisë Thanos Plevris i cili pohoi se ka dërguar pranë pikave kufitare ,porteve dhe aeroporteve të vendit qarkoren përkatëse.
Sipas Plevris, është vendosur që udhëtarët mund të kryejnë rapid test, jo më herët se 24 orë përpara udhëtimit të tyre, ose test PCR jo më herët se 72 orë përpara hyrjes së tyre në Greqi.
Ky vendim sipas ministrit grek të shëndetësisë u mor për të mos dëmtuar planet e familjeve që dëshirojnë të kalojnë festat në Greqi,pasi sipas tij kosto e rapid test varion nga 10-20 euro, ndërsa e testit PCR nga 50-70 euro, gjë e cila vlerësohet se është kosto shtesë për buxhetin e një familje të mesme.
Plevris tha se janë marrë masa shtesë në të gjitha pikat hyrëse të vendit duke shtuar personelin që kryen testimet anti Covid në kufi, me qëllim rritjen e kapaciteteve hyrëse në vend.
Sipas tij,vendi nuk do të ketë një mbyllje tjetër të kufijve,por në çdo rast do të merren masa për parandalimin e hyrjes në vend të mutacionit “Omicron”.
Kujotojmë që deri tani janë diagnostikuar me këtë mutacion 10 persona,por autoritetet druhen se gjatë periudhës së festave dhe rritjes së fluksit të turistëve që lëvizin për këto festa,do të rrisin ndjeshëm shifrat e infektimeve.
