Një ngjarje e rëndë ka ndodhur në Durrës. Një 8-vjeçare kanë tentuar të përdhunojnë 5 djem të moshës 15-17 vjeç.
Ngjarja shokuese ka ndodhur në shkollën “Myslim Hida” në Arapaj të Durrësit. 5 djem të moshës 15-17 vjeç e kanë marrë me forcë të miturën, ku në një nga klasat e shkollës në kat të katërt kanë tentuar të kryejnë marrëdhënie seksuale me dhunë.
E mitura është gjetur në gjendje të tronditur nga mësuesit e shkollës, në katin e katërt.
8-vjeçarja, banuese në Arapaj, u ka treguar mësuesve ngjarjen e rëndë. Ngjarja ka ndodhur para dy javësh por me kërkesën e prindërve të vajzës kjo ngjarje nuk është bërë e ditur.
Vajza është pyetur më tej në prani të psikologes e punonjëses sociale.
Sipas policisë ngjarja ka ndodhur më datë 5 korrik, ndërkohë që në zbatim të urdhrit të Prokurorisë, efektivët e policisë kanë arrestuar 16-vjeçarin me inicialet A.R.
Ndërkohë që është proceduar penalisht dhe një 13 vjeçar me nicialet N.K.
“Më datë 05.07.2019, Specialistët për Hetimin dhe Parandalimin e Krimeve në Komisariatin e Policisë Durrës në zbatim të urdhërit të Prokurorit, ndaluan 16-vjecarin A.R., pasi ky shtetas dyshohet të ketë kryer veprat penale të parashikuara nga nenet 108/a/2 dhe 110/2 të Kodit Penal.
Gjithashtu filloi procedimi penal në gjendje të lirë për shtetasin N.K., 13 vjeç.
Për arsye hetimi nuk mund të bëjmë me dije të dhëna të tjera”, thekson Policia në një njoftim të shkurtër.
