Ditën e sotme qindra shqiptarë janë përplasur me policinë në disa nga qytetet më kryesore të vendit. Kjo për arsye se kanë dashur të lirojnë me forcë ambientet e KZAZ-ve, pas dekretit të presidentit Meta për anulimin e zgjedhjeve.
Ditën e sotme po ashtu është shpallur në kërkim ish-deputeti i PD për qarkun e Shkodrës, Bardh Spahia. Kjo ka ndodhur pas tensioneve në KZAZ-në në Shkodër ku mbështetësit e opozitës nxorën dhe shkatërruan materialet zgjedhore.
Ditën e djeshme simpatizantë të Partisë Demokratike hynë në shkollën “Shejnaze Juka” në Shkodër dhe i vunë vënë flakën asaj për të djegur materialet zgjedhore. Në përpjekje e sipër ata u përplasën edhe me policinë. Punonjësit e bashkisë thyen xhamat e shkollës dhe më pas i vunë flakën.
Ish-deputeti i PD-së, Bardh Spahia, i njohur ndryshe edhe si “Doktori” për shkak të profesionit të tij, ishte i pranishëm dje gjatë tensioneve mes policisë dhe punonjësve të Bashkisë së Shkodrës. Ai tha se ky ishte vetëm fillimi i revoltës popullore.
Në një prononcim për mediat, Spahia u shpreh se Rama nuk mund t’i imponohet shkodranëve dhe të mbajë, sipas tij, zgjedhje false.
