Kryeministri i Kosovës, Albin Kurti ka njoftuar se ka kërkuar që të mblidhet Këshilli i Sigurisë. Në një deklaratë për mediat Kurti ka thënë se asnjë incident nuk ka nodhur në pikat kufitare ku ka prani të policisë së Kosovës.
Më tej ai ka shtuar se Serbia po sjell helikopterë dhe avionë luftarak rusë afër kufirit dhe po provon të nxisë konflikt rajonal. Kurti tha se pengesat dhe bllokadat e sotme, përfshirë veprimet e sotme kriminale, janë e vetmja formë mbijetese për serbët. Kreu i qeverisë së Kosovës tha se vendimi për targat nuk u drejtohet qytetarëve serbë të Kosovës, por është masë e barabartë që shteti serb aplikon për qytetarët e Kosovës.
“Serbia po sjell afër kufirit helikopterë dhe avionë luftarak rusë, Serbia po provon të nxis konflikt rajonal. Pengesat dhe bllokadat përfshirë veprimet e sotme kriminale janë të tilla sepse krimi ka qenë e vetmja formë e mbijetesës për ta. Vendimi për targat nuk u drejtohet qytetarëve serbë të Kosovës, ky vendim është masë e barabartë që shteti serb aplikon për qytetarët e Kosovës. I ftojmë qytetarët në veri pa dallime etnike të respektojnë ligjet dhe të mos ndikohen nga ata që nxisin dhunë. Mbi 9 mijë targa të përkohshme janë dhënë deri më tani, duket që këtu e kanë hallin zjarrvënësit nga Beogradi”, ka thënë Kurti.
