Mbledhja e Komisionit Hetimor për Koncesionet në Shëndetësi është ndërprerë sërish për shkak të tensioneve mes deputetëve.
Ngjarja ka ndodhur gjatë një ndërhyrjeje të deputetit të PD-së, Xhelal Mziu, ndërsa deputetja e PS-së, Klodiana Spahiu, po fliste.
Pas një përplasjeje verbale, Spahiu ka ngritur zërin dhe ka goditur duar në tavolinë, duke kërkuar që Mziu të mos ndërhynte gjatë fjalës së saj.
Kjo ka sjellë një përshkallëzim të situatës, duke bërë që kryetarja e Komisionit, Albana Vokshi, të ndërpriste mbledhjen dhe të shpallte një pushim të shkurtër. Tensionet e përhershme në këtë komision vazhdojnë të shoqërohen me debate të ashpra ndërmjet deputetëve të partive të ndryshme.
Të lutem mos më ndërhy, po të lutem mos më ndërhy. Të lutem o zotëri a ka mundësi të mos ndërhysh. E kam me ty personalisht. A ka mundësi të mos ndërhysh. Kryetare është e disata herë që edhe ofendon dhe ndërhyn”,- iu drejtua Spahiu-Mziut.
