Në qytetin e vjetër të Jeruzalemit mbahet shërbesa katolike e Pashkëve, lutjet për Pashkën hebraike, si dhe ato për muajin mysliman të Ramazanit.
Përleshjet mes protestuesve palestinezë dhe policisë izraelite plagosën rreth 10 palestinezë mëngjesin e sotëm në dhe rreth Sheshit të Xhamisë së Jerusalemit, vendi i tretë më i shenjtë i Islamit që ishte skena e përleshjeve të dhunshme të premten.
Herët sot në mëngjes, “qindra” protestues palestinezë filluan të mbledhin “gurë” në shesh pak para mbërritjes së hebrenjve, të cilët mund të vizitojnë këtë vend, të konsideruar si më i shenjti i judaizmit, në periudha të caktuara.
Forcat izraelite hynë në sheshin e xhamive për të “zmbrapsur” këta protestues, sqaroi policia, ndërsa dëshmitarët okularë dhe anëtarët e shërbimeve të ndihmës direkte bënë të ditur se në këto konflikte u plagosën rreth 10 palestinezë.
Tre nga të plagosurit u dërguan në spital, thanë anëtarët e shërbimit të ambulancës. Një ekip i Agjencisë Franceze, i cili ndodhej në dalje të sheshit, ka parë autoambulancat që kanë shkuar në vendngjarje. Në një tjetër incident, këtë herë në periferi të qytetit të vjetër, në lindje të Jeruzalemit, i cili është pushtuar nga Izraeli që nga viti 1967, palestinezët hodhën gurë në autobusët turistikë, duke plagosur lehtë pesë izraelitë, sipas mediave izraelite.
Këto episode ndodhin ndërkohë që sot zhvillohen në qytetin e vjetër të Jeruzalemit, udhëkryq i tre feve monoteiste, shërbesa e Pashkëve katolike, lutjet për Pashkën hebraike, si dhe ato për muajin mysliman të Ramazanit.
Të premten në mëngjes, pas javësh tensionesh të lidhura me sulmet e kryera nga dy palestinezë në Tel Aviv dhe bizneset izraelite “anti-terroriste” në Bregun Perëndimor të pushtuar, konfliktet u shpërthyen midis policisë dhe protestuesve në Sheshin e Xhamisë.
