Nëntë Zyrtarët e ministrisë u arrestuan me urdhër të SPAK, pas një hetimi lidhur me tenderin e uniformave të Policisë së Shtetit të vitit 2020 prej 2.8 miliardë lekësh pasi kishte dyshime për shkelje të rënda.
Sipas SPAK, në bashkëpunim me njëri-tjetrin dhe me drejtoreshën e Agjencisë së Blerjeve të Përqendruara, Edlira Naqellari kanë shkelur rregullat e prokurimit publik, barazinë në tenderë dhe kanë shkaktuar dëm ekonomik ndaj shtetit.
Sot Gjykata e Apelit të Posaçëm ka vendosur për fatin e të arrestuarve dhe ka lënë në fuqi vendimin për 10 të pandehurit të dënuar për tenderin e uniformave të policisë.
Të pandehurit u denuan me vendim të formës së prere anga Apeli i Posaçem Antikorrupsion me 1 vit burg dhe 5 vjet heqje e të drejtës për ushtruar funksione publike.
Për këtë çështje u dënua drejtoresha e Ministrisë së Brendshme Edlira Naqellari dhe shtetasit, Flutura Çekrezi, Ani Omuri, Anisa Bogdani, Fatmir Demneri, Mariglen Buzali dhe Kreshnik Bejka, Gëzim Mingaj dhe Aurora Mulla. Të pandehurit për këtë çështje u gjykuan me gjykim të shkurtuar, duke përfituar edhe ulje me 1/3 të dënimit.
Hetimet nisën pas kallëzimit të depozituar në SPAK nga deputetët e opozitës parlamentare rreth një viti më parë, duke ngritur pretendime se punonjësit e Agjencisë së Prokurimeve në Ministrinë e Brendshme krijuan kushtet për të paracaktuar fituesin e tenderit.
