Edhe pse të gjitha televizionet e tjera kanë kaluar në platformën digjitale, “Tv Klan”, nuk e ka fikur akoma sinjalin analog.
Për këtë arsye, televizionet kryesore në vend kanë reaguar me një ankesë ndaj Autoritetit të Mediave Audiovizive, shkruan “Gazeta Tema”.
Televizionet kërkojnë marrjen e masave, pasi sipas tyre “Klan” po favorizohet nga shteti.
Ajo që e bën më ironike situatën sipas “Tema”, është fakti që “Klan” mori 100 mijë euro nga AMA për reklamat e digjitalizimit.
Spoti kishte si qëllim, të informonte shqiptarët për afatet dhe realizimin e procesit të digjitalizimit, i cili është një nga kushtet e BE-së.
Pas disa shtyrjesh, më 1 tetor përfundoi procesi edhe për Tiranën e Durrësit, ndërsa vetëm “Tv Klan”, nuk ka fitur ende sinjalin analog.
Bazuar në ligj, refuzimi i “Klan” për të fikur sinjalin analog, dënohet me gjobë e deri në pezullim licence.
AMA ka injoruar ligjin, duke qenë se “Klan” për të katërtën ditë vijon transmetimet me një frekuencë pirate.
“Tema” sqaron se shkak për këtë situatë, është bërë dalja e “Klan”, nga “Digitalb”, duke humbur 250 mijë shikues, shifër kjo që katërfishohet me fikjen e sinjalit analog.
Me transmetimet digjitale, shqiptarët do të kenë mundësi të ndjekin programet e preferuar në cilësi shumë më të lartë të figuriës dhe zërit.
