Koronavirusi shkakton telashe edhe në shtëpinë e Romës, ku Edin Dzeko doli pozitiv ditën e sotme. Lajmin e konfirmoi vetë sulmuesi në rrjetet sociale.
“Përshëndetje të gjithëve! Për fat të keq jam pozitiv me COVID-19 dhe, siç e dini, do të duhet të respektoj periudhën e karantinës. Unë dua të siguroj të gjithë ata që më njohin se, për fat të mirë, nuk kam ndonjë simptomë të veçantë. Për disa ditë do të detyrohem të qëndroj larg shokëvë të mi të skuadrës, por me mendjen dhe zemrën time do të qëndroj me ta, duke filluar nga e diela: forca djema!”.
Edin Dzeko është rasti i shtatë pozitiv në shtëpinë e Romës, pas emrave të tillë si: Mirante, Carles Perez, Bruno Peres, Kluivert, Calafiori dhe Diaëara.
Dzeko detyrohet të humbasë ndeshjen e së dielës, në “Marassi” kundër Genoas, por edhe angazhimet me Bosnjën. Lojtari është në izolim dhe do të të mund të kthehet vetëm pasi analizat të tregojnë se virusi është larguar nga trupi i tij. Pas dhjetë ditësh do t’i nënshtrohet tamponit. Roma sigurisht që nuk do të karantinohet, por futbollistët duhet të respektojnë me rigorozitet protokollin: stërvitje dhe shtëpi.
