Incenetarori i Tiranës ka nxjerrë në skenë një sërë emrash të njohur të politikës që janë përfshirë në afera korruptive.
Mirëpo ka edhe nga ata që ende nuk janë bërë të ditur, pra po fshihen nga hetimet e SPAK. Ndër këto emra janë, Rama, Veliaj, Gjiknuri, por edhe ish-ministri i Mjedisit, Blendi Klosi.
Në 1308 faqe dokumente shkresore, mesazhe telefonike dhe e-maile, ish-Ministri i Mjedisit, Blendi Klosi, del 27 herë si kontaktues konfidencial privat e zyrtar me Klodian Zoton e Mirel Mërtirin dhe firmosës i 15 dokumenteve për landfillin e Tiranës.
Emri i tij, del si ministër bashkëpunëtor aktiv, në raportin lëndor që kanë dorëzuar hetuesit e BKH te ish-drejtuesi i SPAK, Arben Kraja, i cili është prokuror i dosjes së landillit të Tiranës.
Teatër drejtësie!
Janë arrestuar punonjës të bashkisë, por jo Erion Veliaj!
Janë arrestuar punonjës së Ministrisë së Energjisë, por jo Damian Gjiknuri!
Janë arrestuar punonjës nga Ministria e Mjedisit , por jo Blendi Klosi!
Është jo e logjikshme të mendojmë se 100 milion euro janë vjedhur nga punonjës/nëpunës të thjeshtë të këtyre institucioneve! Peshqit e mëdhenj nuk po bien në rrjetën e drejtësisë, për një arsye shumë të thjeshtë, në mes janë të përfshira interesat politikë.
Këto nëpunës po paguajnë çmimin e shtrenjtë të krerëve të tyre, duke u arrestuar dhe dënuar për vepra penale nga më të ndryshmet.
Teatri i SPAK duket se do ketë shfaqje dhe seri të gjata!
