Kryeministri Edi Rama iu ka bërë thirrje mëngjesin e sotëm qytetarëve shqiptarë të vaksinohen kundër COVID-19. Me anë të një postimi në “Facebook”, Rama ka bërë dhe një paralajmërim për ata që nuk janë vaksinuar duke vijuar në vazhdën e deklaratave të mëparshme të ministres së Shëndetësisë Ogerta Manastirliu.
Ai shkruan se vaksinimi duhet të bëhet për të mbrojtur veten, por edhe për të mos u ndodhur jashtë aksesit nëse situata në dimër do të imponojë rregulla të reja.
Postimi i kryeministrit:
MIRËMËNGJES 😊
dhe me ftesën për të pavaksinuarit që të vaksinohen një orë e më parë, për të mbrojtur veten e për të mos u ndodhur jashtë mundësisë së aksesit në mjedise publike, në qoftë se situata e dimrit do ta imponojë, ju uroj një fundjavë të mbarë🙏
Kujtojme që ministrja e Shëndetësisë, Ogerta Manastirliu deklaroi në Parlament se ashtu si në të gjitha vendet europiane do të vendoset “GreenPass” për të hyrë në lokale dhe në strukturat e shërbimit.
“Si hyhet në një restorant, bar, në Europë. A futet me Greenpass? Po, do e vendosim dhe ne, e vendosëm dhe në universitete”, u shpreh Manastirliu.
“Për qytetarët është e rëndësishme, që ne kemi pika vaksinimi në çdo qendër shëndetësore, dhe në universitete. Do të vendosim ‘Greenpass’ për të hyrë në lokale dhe në strukturat e shërbimit”, tha ajo.
Kujtojmë se “GreenPass” është e detyrueshme në shumë vende të Europës për mësuesit, profesorët, teknikët, administratorët e shkollave dhe universiteteve por gjithashtu dhe në polici, ushtri dhe diplomatë.
