Zbardhen detaje të reja nga ngjarja e rëndë që tronditi sërish Shkodrën mbrëmjen e djeshme me vrasjen e Lalush Qepurit në Stom-Golem.
Burime nga grupi hetimor bëjnë me dije se arma e gjetur jashtë lokalit dyshohet se i përket djalit të viktimës. Sipas informacioneve në vendin e ngjarjes janë gjendur mbi 20 gëzhoja, 4 nga të cilat të llojit shotgun dhe të tjerat armë automatik.
Nga informacionet paraprake dyshohet se ka qenë djali i viktimës i cili ka qëlluar në drejtim të automjetit të autorit. E pas këtij momenti ai ka marrë ne telefon policinë, duke e lajmëruar për ngjarjen. 76 vjeçari u dërgua menjëherë në spital por fatkeqsisht nuk i mbijetoi plagëve të marra.
I moshuari u qëllua 4 herë me shotgun, nga ku mori 3 plumba. Viktima e atentatit të mbrëmshëm në Shkodër, Lulash Qepuri, rezulton emër i njohur për policinë.
Njoftimi i policisë:
Shkodër/Informacion paraprak
Rreth orës 21:40, në fshatin Stom Golem, Shkodër, është qëlluar me armë zjarri në rrethana ende të paqarta shtetasi L. Q. rreth 76, vjeç, i cili ka ndërruar jetë në Spitalin Rajonal Shkodër.
Grupi hetimor nën drejtimin e Prokurorisë po vijon punën për zbardhjen dhe sqarimin e plotë të rrethanave të ngjarjes, sekuestrimin e çdo prove të vlefshme që do shërbente për identifikimin dhe kapjen e autorit.
Kujtojmë se 11 vite më parë, me konkretisht në tetor të vitit 2011 ai u arrestua nga policia pasi gjatë kontrollit të ushtruar në lokalin, ku u ekzekutua mbrëmë, por edhe në banesën e tij ngjitur me lokalin, janë gjetur e sekuestruar armë zjarri, municione luftarake si dhe fara të bimës narkotike kanabis sativa.
