Një plagosje me armë zjarri ka ndodhur në Fier diotën e sotme rreth orës 14:00. Ngjarja ka ndodhru në fshatin Sulaj ku 44-vjeçari me iniciale R.M. ka plagosur 33-vjeçarin, shtetasin me iniciale P.P. Rrethanat dhe motivet që kanë çuar në konfliktin me armë janë ende të paqarta. Ndërkohë, i plagosuri ndodhet në spitalin e Fierit nën kujdesin e mjekëve.
Policia ka bërë të mundur identifkimin e autorit dhe ka ngritur pika kontrolli për të bërë të mundur kapjen e tij. Ndërkohë, grupi hetimor është duke vijuar punën për zbardhjenn e rrethanave të ngjarjes.
NJOFTIMI I PLOTË:
Fier/Informacion paraprak
Plagosi me armë zjarri një shtetas, identifikohet dhe shpallet në kërkim autori i dyshuar. Vijon krehja e zonës për kapjen e tij. Sot rreth orës 14:00, në fshatin Sulaj, Fier, shtetasi R. M., 44 vjeç, në rrethana e motive ende të paqarta ka plagosur me armë zjarri pistoletë shtetasin P. P., 33 vjeç, i cili ndodhet në spitalin e Fierit nën kujdesin e mjekëve. Menjëherë forca të shumta Policie kanë shkuar në vendngjarje dhe vijon krehja e zonës si edhe janë ngritur pika kontrolli në hyrje -dalje të Fierit për kapjen e autorit. Grupi hetimor nën drejtimin e Prokurorisë vijon punën për zbardhjen e rrethanave dhe motivit të ngjarjes.
