Mbrëmjen e sotme janë raportuar të shtëna me armë zjarri në Durrës, ku si pasojë dy persona kanë mbetur të plagosur.
Mësohet se ngjarja ka ndodhur pranë Urës së Dajlanit, por ende nuk është mësuar dinamika e plotë e saj.
Ndërkohë të plagosurit janë dërguar në spitalin rajonal të Durrësit, ku njëri prej tyre është në gjëndje të rëndë pasi ka marrë dëmtime në organet jetësore, ndërsa tjetri është plagosur në këmbë.
Ndërkohë janë zbuluar edhe dy identitetet e personave të plagosur këtë mbrëmje në lagjen nr. 13 në Durrës, në lokal ‘Pineda’.
Ata janë babë e bir, Agim dhe Armando Baboçi.
Forca të shumta të policisë kanë shkuar në vendngjarje, ku pas këqyrjes së zonës, kanë arritur që .të shoqërojnë 6 persona, mes tyre edhe autorin e ngjarjes.
Njoftimi i Policisë:
Durrës/Informacion paraprak
Më datë 18.09.2020, rreth orës 20:00, në lagjen nr.13. Durrës, pas një konflikti të çastit me mjete të forta e më pas me armë zjarri midis disa personve, janë plagosur me armë zjarr shtetasit A.B., dhe E.Gj., të cilët ndodhen në spital nën kujdesin e mjekëve, jashtë rrezikut për jetën.
Falë reagimit të menjëhershëm të Policisë, janë shoqëruar në Drejtorinë Vendore të Policisë Durrës 6 shtetas dhe mes tyre është autori i ngjarjes, por nuk jepen të dhëna për shkak të hetimit.
Grupi hetimor ndodhet në vendngjarje dhe po punon për zbardhjen e ngjarjes.
