Skandalet e zyrtarëve të Ramës po dalin në dritë njëra pas tjetrës. Lojrat e fatit të lidhuara ngushtë me emrin e Ervis Martinajt, i cili është ndër personat më të përfolur kohët e fundit kanë nxjerrë në pah një detaj shokues. Kreu i Partisë Demokratike deklaroi këtë të premte se ish-Drejtori i Përgjithshëm i Policisë së Shtetit, Ardi Veliu, është paguar 30 mijë euro nga Ervis Martinaj. Ky detaj konfirmohet për burime shumë të besueshme për Gazeta Reforma. Martinaj i njohur ndryshe si biznesmeni i lojrave të fatit i paska pasur tentakulat shumë të shtrira në rradhët e Policisë së Shtetit, ndaj biznesi i tij nuk rreshti kurrë së bëri para ndonëse qeveria bëri show me operacionin “Fundi i Marrëzisë”. Por si ndodhi që ky biznes nuk rreshti së bëri kurrë para? Përgjigjia është mjaft e qartë zyrtarë të lartë të policisë si Ardi Veliu kanë qenë nëpër borderotë e atij që kontrollonte lojrat e fatit. Zyrtarë si Veliu gjithmonë nuk njohin asgjë para parave që iu vijnë në fund të muajit mbi tavolinë. Kujtojmë se në kohën kur u bë aksioni për mbylljen e pikave të basteve dhe kazinove qeveria e shiti si një sukses të lartë, por vetëm 2 ditë më parë kryeministri që asokohe ishte i prerë për vendimin e mbylljes deklaroi se do të hapen përsëri. Kreu i PD, Berisha deklaron se edhe largimi i Gledis Nanos ka të bëjë me prishjen e pazareve midis tij dhe Ramës për këtë biznes dhe atë të kokainës nëpër porte. Thuhet se largimi i tij ka lidhje me kontejnerin që u la pesë javë në port derisa u vodh e gjithë kokaina. Kjo e tërboi Edi Ramën. Thuhet se ky takoi Jetmir Ladën, i cili ndër të tjera i tha se Ardi Veliu paguhej 30 mijë euro në muaj nga Ervis Martini. E sigurt është që fillimi është brenda familjes Rama.
Atë nuk mund ta hiqte asnjë njeri tjetër përveç kryeministrit. Ministri nuk e heq dot.
Kështu ky u hoq për afera të Edi Ramës. Po pse, për Ardi Veliun e hoqi ai? E ka hequr për veten e tij, për familjen e tij”, është shprehur Berisha.
Ardi Veliu është një ndër krerët e policisë që është ndjekur nga shumë skandale gjatë karrierës së tij. Le të kujtojmë disa nga bëmat e tij. Më e bujshmja ishte justifikimi i kryepolicit për dhunën e ushtruar ndaj një djali vetëm 15 vjeç, gjatë karantinës, kur Veliu nxorri një video të nënës së tij, e cila shfaqej me një armë në dorë, por që u vërtetua që ishte pjesë e një filmi. Më pas në dhjetor 2020, Klodian Rasha u qëllua për vdekje nga efektivi i Policisë, Nevaldo Hajdaraj, i cili tashmë ndodhet pas hekurave. Vrasja e të riut nga Policia solli një revoltë qytetare të cilët kërkonin dorëheqjen e Veliut, por në vend të tij u sakrifikua Sandër Lleshaj. Ngjarja e fundit ishte ajo me Klement Balilin një prej personave më të kërkuar në Shqipëri. Në pamundësi për ta arrestuar, Veliu u shfaq si shoferi i tij, pasi e shoqëroi nga Delvina në Tiranë, me një makinë luksoze.
