Pas publikimit të të pagave të 637.138 tatim-paguesve shqiptarë në “Whatsapp”, vjen një reagim nga presidenti Meta.
Meta e konsideroi një shkelje flagrante të të drejtave të njeriut, të ligjeve dhe të Kushteutës.
Gjithashtu Meta iu bën thirrje institucioneve ligjzbatuese të vihen në lëvizje dhe të marrin masat e nevojshme për të garantuar mbrojtjen e të dhënave personale dhë vënien përpara përgjegjësive të autorëve.
“U njoha nga mediat për daljen në publik, të një liste me të dhënat sensitive personale të 637,138 qytetarëve të punësuar, në shkelje flagrante të lirive, të drejtave dhe dinjitetit njerëzor, të ligjeve dhe të Kushtetutës, një rast paligjshmërie i përsëritur, pas skandalit të patronazhistëve.
Të dhënat personale të çdo shtetasi, që depozitohen në institucionet publike dhe që administrohen në bazat e të dhënave shtetërore, janë personale, mbrohen me ligj dhe kanë për qëllim përdorimin e tyre vetëm për interesin e shtetasve dhe të shtetit.
Çdo lloj përdorimi i ndryshëm i tyre është akt kriminal, që rrezikon paqen sociale duke cënuar sigurinë private të çdo qytetari.
I bëj thirrje agjencive ligjzbatuese dhe të ndjekjes penale, të vihen menjëherë në lëvizje, të nisin verifikimet dhe hetimet, të faktojnë këtë veprimtari të përsëritur të paligjshmërisë, duke marrë pa vonesë masat e nevojshme për të garantuar mbrojtjen e të dhënave personale dhe vënien përpara përgjegjësisë të autorëve”, shkruan
