Në stadiumin “Air Albania” ka nisur marja e dozës së dytë të vaksinës për të moshuarit që u vaksinuan 3 javë më parë. Ministrja e Shëndetësisë, Ogerta Manastirliu ka publikuar foto nga procesi i vaksinimit, ku mes të moshuarve që po marrin dozën e dytë është edhe artistja Margarita Xhepa.
“Po ndodh
#Rivaksinimi i të moshuarve mbi 80 vjeç në Arena
#ShqipëriaBuzëqesh
”,shkruanManastirliu.
https://www.facebook.com/watch/?v=261040705519784
Kujtojmë që tre javë më parë disa prej personaliteteve të moshuara morën dozën e parë të vaksinës Pfizer, gjë që shkaktoi një debat të gjerë public për mënyrën e përzgjedhjes. Figura të ndryshme publike dhe njerëz të thjeshtë e kritikuan këtë vendim duke thënë se nuk ishte e drejta e kryeministrit Rama dhe e ministers Manstirliu për të vendosur kush jeton e kush jo. Mes të moshuarve që morën vaksinën ishin Tinka Kurti ,Sherif Merdani, Pirro Milkani, Sherif Merdani, Aleksandër Meksi, Alfred Moisiu, Reshat Arbana, Margarita Xhepa.
Përzgjedhja e njerëzve që do të vaksinoheshin të parët shkaktoi shumë debat edhe për faktin se është parë si diskriminuese për shkak të pozitës sociale të të moshuarve. Ndërkohë, procesi i vaksinimit ka ecur me ritme shumë të ngadalta për shkak të numrit të vogël të dozave që kanë ardhur në vendin tonë. Të premten mbërritën dozat e para të vaksinave AstraZeneca, sërish mes debateve të forta pasi shumë shtete e kanë pezulluar për shkak të mpiksjes së gjakut tek personat që janë injktuar me këtë vaksinë.
