Qeveria i ka lënë prej ditësh në harresë banorët që janë bllokuar nga reshjet e borës në zonat më të thella të vendit. Shumë njerëz u bllokian për orë në rrugë të papastruara nga bora, ndërkohë që ministrja Belinda Balluku, bënte shfaqje mbi borëpastruese për të na treguar se sa e zonja është në menaxhimin situatës. Rasti më skandaloz ishte kur një e moshuar humbi jetën në Dibër, pasi makina që po e transportonte për në spital mbeti e bllokuar nga dëbora. Ende për këtë rast shteti nuk ka pasur ndonjë reagim, teksa prej ditësh shumë fshatra të Dibrës janë të izoluara. Kanë qenë vetë baonrët ata që kanë marrë në dorë situatën, duke pastruar rrugët me mjetet që iu janë gjendur. Banorët e fshatit Lushan i Epërm në Njësinë Administrative Luzni kanë nisur hapjen e rrugës pasi mjeti tip fuoristradë e pati të pamundur të çante dëborën, ndërkohë që transportonte të moshuarën në spital.
Por, askush nuk bindet më nga propaganda mbi borëpastruese dhe banorët kanë shprehur gjithë revoltën e tyre. Ata madje nuk pranojnë as t’i japin votën atyre që do shkojnë të bëjnë fushatë, ndërkohë që i kanë lënë në mëshirë të fatit. Fax web bënë publike edhe deklaratën e njërit prej banorëve që vazhdon si më poshtë.
“Do i gjini votat do i gjini, kështu vazhdoni. Asni votë s’kini për ta morë. Kta legena s’pësin për ne hiç a kemi të sëmurë a jo. Kto pisa që kanë lon mkët qeveri. Ma kan hek asistencën. Kriminela m*ti, qelbsina,” thotë banori., ndërsa pastron rrugën nga bora.
Banorët vetë kanë treguar se vetëm rruga kryesore e Njësisë Administrative Luzni është e hapur, ndërsa në fshatrat Lushan i Epërm, Arapaj e Poshtme dhe Epërme, si dhe shumë fshatra të tjerë në Bashkinë Dibër, janë të izoluar.
