Rastet e personave të infektuar me koronavirus në Kosovë janë shtuar dita-ditës.
Klinika Infektive në Kosovë ka bërë me dije nëpërmjet një njoftimi se katër pacientë janë në trajtim me okisgjenoterapi dhe përkujdesje intensive.
Dy pacientë mësohet se janë në gjendje të rëndë, e ndërsa dy pacientët e tjerë do të dalin së shpejti nga spitali pasi janë shëruar nga koronavirusi.
Mjekët edhe sot u kanë bërë thirrje qytetarëve të Kosovës që të respektojnë distancimin social dhe të bëjnë shumë kujdes në higjenën personale.
