Ish-kryeministri i vendit, Sali Berisha ka zhvilluar sot një konferencë për mediat, ku foli lidhur edhe me përshkallëzimin e aksionit opozitar.
Berisha tha se të hënën do të nisë vala e protestave të opozitës, që sipas tij do të jenë periodike. Ai akuzoi edhe njëherë Edi Ramën se e ka kthyer Shqipërinë në një diktarurë të bandave, të cilat ndikojnë në politikbërjen e vendit.
Ai tha se “stina e protestave” nuk është për të, por për të gjithë Shqipërinë, pasi po i shkaktohet një dëm i madh vendit me qeverinë Rama.
“Në diktaturën e bandave vërtetë ka zgjedhje, por bandat përcaktojnë rezultatin dhe padrinoja vendos një kuadër të tërë joligjor për të kontrolluar vullnetin e qytetarëve.
Këto janë realitete dhe kjo shpikjet tona dhe dramatike është se njerëzit besojnë se këtu u zhvilluan zgjedhje dhe ky i mori. Diktatura e bandave sado i kemi provuar në lëkurë, është një lloj i ri diktature ku ti je në Parlament ai të bën të paqenë. Më e rënda është, ajo e miratuar dje, praktikisht t’i heqësh mandatin deputetit pasi i ndalon çdo lloj aktiviteti. Ne fillojmë stinën e protestave”, u shpreh Berisha.
