SPAK ka njoftuar sot dhëndrrin e Sali Berishës, Jamarbër Malltezin, se nesër do duhet që të paraqitet pranë ambienteve të organit gjyqësor.
Njoftohet se ai do të merret në pyetje si person nën hetim, pasi edhe pse ndodhet në ‘arrest shtëpiak’ ai vazhdon të hetohet lidhur me çështjen e privatizimit të ish-kompleksit “Partizani”.
Ndërsa, në të njëjtën kohë SPAK ka thirrur edhe Berishën ditën e enjte që të paraqitet pasi po hetohet për të njëjtën dosje si Malltezi.
Po ashtu bëhet e ditur se policia është njoftuar për të marrë masa në kuadër të shoqërimeve për në SPAK. Pritet për t’u parë nëse do të merren në pyetje Malltezi dhe Berisha këto ditë.
