Masa të reja anti-Covid do të hyjnë në fuqi në Francë që nga e hëna. Disa kategori punëtorësh do të jenë tashmë të detyruar të kenë një leje shëndetësore, duke shënuar një hap të ri në strategjinë e qeverisë për të bindur anëtarët e publikut të vaksinohen kundër Covid-19.
Masa e re përfshin personelin që punon ballë për ballë me publikun – për shembull në kafene, kinema ose transport publik. Atyre do u në një test Covid të kryer në 72 orët e fundit. Masa do të zbatohet për rreth 1.8 milion punëtorë në të gjithë vendin.
Menaxherët e bizneseve do të kontrollojnë kodin QR të punonjësve të tyre. Dështimi për të bërë këtë do të rezultojë në sanksione: fillimisht një paralajmërim, pastaj njoftim zyrtar, pastaj një mbyllje administrative shtatë ditore.
Punonjësit që nuk kanë kodin e nevojshëm QR mund të marrin pushim nga puna, të punojnë nga shtëpia, ose mund të caktohen në një post ku nuk ka kontakt me publikun. Përndryshe ata pezullohen pa pagesë.
Një gjobë prej 9,000 € mund të vendoset në rast të një shkelje të përsëritur.
Qytetarëve në Francë tashmë u kërkohet që të kenë leje shëdetësore në mënyrë që të mund të të hyjnë në restorante, kafene, kinema, muze, stadiume etj.
Presidenti Macron e ka cilësuar një hap të tillë të rëndësishëm në strategjinë e vaksinimit në Francë.
Ndërsa sondazhet sugjerojnë që shumica e publikut mbështet lejet shëndetësore të Covid-19, prezantimi i tyre ka shkaktuar protesta të zemëruara gjatë gjithë verës, me qindra mijëra protestues që kanë organizuar tubime në të gjithë vendin gjatë fundjavave të njëpasnjëshme.
Qeveria këmbëngul se një hap i tillë është i nevojshëm për të inkurajuar marrjen e vaksinës dhe për të shmangur një bllokim të katërt kombëtar.
