Kryetari aktual i bashkisë Pukë, Gjon Gjonaj është filmuar nga një qytetar teksa ushtron dhunë verbale ndaj një qytetari, madje deri në kërcënime.
“Mos të të shoh…se për krye të fëmijëve të bëj të çuditesh. Po ik ore…”, dëgjohet t’i drejtohet Gjonaj, qytetarit.
Ndërkohë siç shihet edhe në video, fare pranë është një punonjës policie, i cili nuk ndërhyn. Ndërkohë në një reagim për mediat, Gjonaj tha se po i tërhiqte vëmendjen.
“Unë jam korrekt në gjithçka, ajo është një video e sajume, ai është njeri imi në fakt. Unë po konsultohesha me qytetarin, nuk ka pasur fare lidhje me zgjedhjet dhe me fushatën, është e turpshme që kjo po përdoret. Është trajner i ekipit të fëmijëve, personi në fjalë është njeriu im.
Nuk ka pasur asnjë shkak që unë të përfshihesh në përplasje aty, ai është personi përgjegjës për ekipet e moshave, i tërhoqa vëmendjen që të mos i krijonte asnjë problem fëmijëve. Këta i sajojnë dhe duan që t’i përdorin në fushatë.
Vetëm indiferentizmi i policit tregon se sa e eksitume ka qenë gjendja aty, nuk ka pasur asnjë lloj problemi. Ska asnjë arsye për me e verifiku, se nuk bëhet fjalë as për konflikt dhe për asgjë”, u shpreh Gjonaj.
