Pas më shumë se dy orësh, ka përfunduar takimi i ministres së Shëndetësisë Ogerta Manastirliu me 4 mjekët të cilët i parashtruan një listë me kërkesa, për kushtet dhe sigurinë e bluzave të bardha që janë në vijën e parë të Covid.
Në deklaratën e mjekut përfaqësues të Sindikatës së Mjekëve, Gent Stroni dhe ministres së Shëndetësisë, u bë me dije se nga java tjetër do të nisin tryezat e diskutimeve me mjekët për të shqyrtuar kërkesat.
“Kemi dikskutuar shumë për pikat që përfaqësuesit e sindikatës kanë përcjellë. Kemi rrugë të gjatë përpara për të adresuar të gjitha kërkesat e sindikatës. Kemi vendosur që takimet në tryezat e punës të fillojnë prej javës që vjen. Ura e komunikimit me mjekët është e konsoliduar prej vitesh.
Ne jemi të bindur që jemi duke punuar. Do ti dëgjojmë do marrim vendim dhe ata do vendosin për pikat që kërkojë. Në diskutimin tonë janë çështjet që do diskutohen edhe me ekipe të vogla.
Platforma e bashkëpunimit që ne e kemi kurrikul. Mos harrojmë se një vit sa më parë në sajë të punës. Qeveria ka vullnet për të përmbushur kërkesat e mjekëve. Ne jemi së bashku jemi në të njëjtën anë dhe do vijojmë të punojmë për të mirën e qytetarëve.
Ne jemi këtu dhe po adresojmë kërkesat e mjekëve. Fakti se do të jemi të gjithë së bashku në çdo moment tregon vullnetin për të bërë më të mirën për shoqërinë, shëndetin dhe popullatën. Jemi këtu për kosolidimin e kësaj platforme dhe kemi një rrugë të gjatë për të bërë”, ka thënë ministrja Manastirliu.
Edhe mjeku Stroni shtoi se kanë hedhur bazat e para të bashkëpunimit të cilat do të vijojnë në vazhdim në tryezat e diskutimit.
“Hodhëm bazat e para të një bashkëpunimi. Duke vijuar nga java në vijim do kemi grupet tona të punës që janë grupe nga sindikata dhe pjesa qeveritare.Do jetë pjesë e një diskutimi tjetër, për të shqyrtuar detaje për secilën nga kërkesat… Të mërkurën tjetër fillojmë grupin e punës”, ka thënë Stroni.
Kujtojmë se ministrja Ogerta Manstirliu, drejtori i QSUT Enkel Joti si dhe përfaqësues nga kabineti i Ramës, pritën në takim mjekët përfaqësues të Sindikatës së Mjekëve, mjekët Gent Stroni, Arjan Mezini, Altin Kuqo, Fatos Olldashi dhe Arjan Harxhi.
Kërkesat e mjekëve:
-Të shpallen dëshmorë të kombit të gjithë ata pjesëtarë të personelit shëndetësor të cilët humbin jetën në këtë luftë me këtë armik të padukshëm
-Të bëhet sigurimi i jetës së personelit shëndetësor, me qëllim që familjet e tyre të mund të vazhdojnë jetën edhe pas fatkeqësive të mundshme në këtë luftë.
-Rritje të vlerësueshme e trajtimit financiar të personelit shëndetësor.
-Personeli shëndetësor të çdo niveli t’i sigurohen të gjitha kushtet optimale në punë për parandalimin e infeksionit sipas të gjitha standardeve kombëtare dhe ndërkombëtare.
