Ditën e sotme presidenti Ilir Meta është takuar në Presidencë me Lulzim Bashën, por është në pritje edhe të kryeministrit Rama. Presidenti Meta ua ka bërë ftesën e djeshme, të dyja palëve.
E ndërsa takimi i Metës me Bashën zgjati vetëm 20 minuta, nga ana tjetër Rama ka reaguar nga njësia nr.4 ku është në takim me qytetarët.
Ai është shprehur se Meta ka marrë drejtimin e opozitës.Ai ka theksuar se pasi dështon Lulzim Basha ndërhyn presidenti Ilir Meta.
“Sot kanë përgjigjen e saktë edhe nga Kolegji Zgjedhor. Meta ka marrë drejtimin e opozitës. Këta u çmendën por u çmendën të gjithë njëherë. Dështon Luli dhe ndërhyn Iliri.
Ky hapni vendin se do hidhem, është habi e madhe shumë dhe i hodhi benzinë zjarrit me atë marrëzinë e ç’firmosjes së firmës së vet, u dha motiv sado absurd për tu kap këtyre që ne do mbrojmë dekretin, sot aktualisht e ka marrë përgjigjen shumë qartë ajo histori nga kolegji zgjedhor, se është ajo gjykata, dhe është pa të drejtë ankimimi”, shprehet Rama.
Takimi i Metës e Bashës është fokusuar tek zgjidhja e krizës politike. Rama refuzoi që ulej në tryezë me Kreun e Shtetit me arsyetimin e ishte i zënë me fushatë.
