Kryetarja e Lëvizjes Socialiste për Integrim, (LSI), Monika Kryemadhi, ka folur për mediat menjëherë pas takimit në presidencë me kreun e shtetit, njëherazi bashkëshortin e saj presidentin Ilir Meta për caktimin e datës së zgjedhjeve parlamentare të vitit 2021.
Kryemadhi u shpreh se i ka bërë të qartë presidentit Meta, se LSI-ja do të zbatojë çdo vendim kushtetues dhe do marrë pjesë në zgjedhjet parlamentare të vitit 2021, për të garantuar një qeverisje të denjë për shqiptarët.
Kryetarja e LSI, komentoi edhe kërkesën e Ramës për të përjashtuar datën 2 Maj si datë zgjedhjesh për shkak se përkonte me festën e Pashkës Ortodokse. Ajo u shpreh se fakti që është festë nuk asnjë rëndësi për të, pasi Ditët e Zotit janë të gjitha njësoj.
Kryemadhi u pyet nga gazetarët edhe për faktin se pse zgjodhi vetë që të vinte në vizitën e parë zyrtare në Presidencë në cilësinë e kryetares së LSI-së dhe përse nuk solli ndonjë përfaqësues.
Ajo u shpreh se këtë vendim e mori kryesia e LSI-së, pasi ishte një ditë e rëndësishme ku do të caktohet edhe data e zgjedhjeve të ardhshme parlamentare.
Sot është një nga vizitat e rralla në Presidencë. Kryesia vendosi të vija unë pasi është ditë e rëndësishme”, deklaroi Kryemadhi.
