Pak ditë më parë, policia arrestoi 32-vjeçaren, Jorida Murati, si pjesë të grupit strukturuar “Bajri”.
Kjo e fundit ishte punësuar në spitalin e Shkodrës si infermiere me urdhër të kreut të grupit, Behar Bajrit.
Murati merrte rrogë edhe pse nuk kishte shkuar asnjë ditë në punë.
“Balkanweb” shkruan, se Murati ka qenë shumë aktive gjatë prillit të 2018-ës, duke mbajtur kontakte të shpeshta me pjesëtarët e grupit.
Në bazë të transkriptimeve të thirrjeve telefonike, rezulton se Murati ka qenë në dijeni të veprimtarisë së grupit.
Sipas Prokurorisë, Murati ka qenë në kontakte dhe takime me Behar Bajrin, edhe gjatë kohës kur ky i fundi ka qenë në Holandë.
Gjithashtu ajo ka zbatuar edhe urdhëra nga kreu i grupit.
Gjatë kontrollit në shtëpinë e saj, policia gjeti 9 mijë euro.
