Deputetja e zgjedhur e Partisë Demokartike, Jorida Tabaku ka reaguar në lidhje me situatën që është duke kaluar vendi ynë në përballje me zjarret. Në një video të publikuar në Facebook, Tabaku bën përgjegjës Ramën për situatën, duke thënë se po e përdor buxhetin e shtetit si bankomat për klientët e qeverisë dhe PPP-të korruptive. Tabaku thotë se në këto kushte kanë mbetur vetëm mjetet rrethanore pë rata që po luftojnë kundër zjarrit me kurajo e vetëmohim.
Ajo shprehet se propaganda e shtrenjtë nuk i ndihmon qytetarët dhe as pasurinë natyrore që shkrumbohet.
Postimi i plotë:
Kur buxhetin e shtetit e përdor si bankomat për klientët e qeverisë dhe PPP-të korruptive, mjetet rrethanore mbeten arma e vetme e atyre që po luftojnë kundër zjarrit me kurajo dhe vetëmohim.
Propaganda e shtrenjtë nuk i ndihmon qytetarët dhe as pasurinë natyrore që shkrumbohet. Sa herë vendosemi në provë po aq herë dështojmë turpshëm duke shfryrë tullumbacen e gënjeshtrave.
Shqiptarët në mëshirën e fatit dhe darën e korrupsioni që përditë i shtrëngon sot janë vetëm.
Situata e zjarreve në vendin tonë ka agravuar gjatë ditës së sotme me disa vatra aktive. Kritike paraqitet gjendja në Gjirokastër, ku si pasojë e flakëve humbi jetën Andrea Haxhiaj, 64 vjeç.
