Në orët e para të mëngjesit të sotëm, disa incidente të qëllimshme janë regjistruar në qytetin e Kumanovës.
Disa lokale, makina dhe një pjesë e një shtëpie janë përfshirë nga zjarre që dyshohet se janë vendosur qëllimisht.
Një prej objekteve që është djegur është zyra e kontabilitetit dhe përkthimeve gjyqësore, përballë Gjykatës Themelore në Kumanovë, e cila ka lidhje me Fitor Jakupin, këshilltar në Kuvendin Komunal.
Disa metra më lart është djegur makina e prokurorit Xhelal Bajrami, ku dyshohet se është përdorur koktej molotovi.
Ndërkohë makina është tentuar ti digjet edhe një koloneli me inicialet E.D.
Një shtëpi gjithashtu është dëmtuar pjesërisht, por zjarrfikësit kanë arritur ta lokalizojnë zjarrin.
Mësohet gjithashtu se kamerat e sigurisë në zonat ku ndodhi ngjarja nuk ishin në funksion në momentet e zjarrvënies, dhe hetuesit dyshojnë se mund të jetë përdorur pajisje bllokuese për t’i penguar ato të mos rregjistrojnë.
