Pak ditë më parë autoritetet shqiptare zbuluan një celulë terroriste iraniane, që do të godiste gjatë festës së Sulltan Novruzit, më 18 mars të 2018-ës.
Janë identifikuar 4 persona, të cilët janë shpallur në kërkim ndërkombëtar.
Ndërkohë, përfaqësues të opozitës iraniane (MEK) në Shqipëri, deklarojnë se në vendin tonë ka edhe disa të dyshuar të tjerë.
Në një intervistë për ‘Abcnews.al’, Ali Safavi, përfaqësuesi i Komitetit për Marrëdhëniet me Jashtë të MEK-ut, ka zbuluar emrat e tyre.
Bëhet fjalë për Nakosh Zade, Kolam Zedah Shekari, Hassan Hayrani, dhe Rrahman Madammadi.
Më tej Safavi i ka bërë thirrje vendeve evropiane, që të mbyllin ambasadat e Iranit, pasi nuk kanë funksione diplomatike, por përgatisin sulme për kundërshtarët e regjimit.
Ai tha më tej se jo vetëm shqiptarët, por edhe europianët duhet të jenë vigjilentë, pasi terrorizmi i regjimit, nuk kufizohet vetëm në Shqipëri.
