Bilanci i viktimave dhe të plagosurve nga sulmi në Magdeburg të Gjermanisë, ku një person sulmoi me makinë njerëzit në një treg Krishtlindjesh, është thelluar.
Sipas mediave gjermane “Bild.de”, 4 persona kanë humbur jetën, ndërsa 205 të tjerë janë plagosur.
Nga të plagosurit, 86 ndodhen në gjendje të rëndë. Autori u arrestua menjëherë pas sulmit, ndërsa autoritetet dyshojnë se mund të ketë qenë një sulm i qëllimtë. Kancelari gjerman, Olaf Scholz, ka reaguar duke shprehur ngushëllime për familjarët e viktimave.
