Policia e Durrësit ka vënë në pranga një 27- vjeçar nga Shijaku për tentativë vrasje.
I.B., pas një konflikti për motive të dobëta, ka tentuar të vrasë me armë zjarri F.K. dhe Xh.K.
Këta të fundit në momentin e sulmit, ndodheshin në një makinë tip “Peugeot” pa targa.
Ngjarja është regjistruar më 29 shtator të këtij viti në Shijak.
Gjykata e Durrësit ka caktuar masën e sigurisë “Arrest në burg” për 27- vjeçarin.
Njoftimi i policisë
Specialistët kundër krimeve ndaj jetës dhe lirisë së personit në Drejtorinë Vendore Durrës bënë ndalimin e shtetasit I. B., 27 vjeç, banues në Shijak. Ky shtetas, më datë 29.09.2019, në Shijak, pas një konflikti të çastit për motive të dobëta ka tentuar të vrasë me armë zjarri shtetasit F. K. dhe Xh. K., banues në Shijak, të cilët kanë qenë në mjetin tip Peugeot, pa targa. Nga të shtënat me armë zjarri pati vetëm dëmtime materiale të mjetit. Gjykata e Shkallës së Parë Durrës i ka vendosur masën e sigurisë “Arrest në burg”, për veprat penale “Vrasja në rrethana të tjera cilësuese”, “Armëmbajtja leje” dhe “Shkatërrimi i pronës”.
