Mbrëmjen e djeshme një sulm me armë ndodhi ndaj një autobusi me nxënës në Deçan të Kosovës.
Si pasojë humbën jetën 3 perosna që ndodheshin në autobus, 2 nxënës dhe shoferi.
Ndërkaq shefi i Politikës së Jashtme të Bashkimit Evropian, Josep Borrell ka reaguar në lidhje me ngjarjen tragjike që ndodhi mbrëmë në Deçan, ku një autobus me nxënës u sulmua me armë.
Borrell në një postim në Twitter shkruan se bashkëndjen me familjet e viktimave, ndërsa ka thënë se përgjegjësit duhet të gjenden dhe të sillen para drejtësisë për këtë krim të tmerrshëm.
“I tmerruar nga sulmi i tmerrshëm në Gjakovë. Bashkëndjej me familjet e viktimave tyre, ndërsa përgjegjësit duhet të gjenden dhe të sillen para drejtësisë për këtë krim të tmerrshëm. Jam bashkë me qytetarët e Kosovës në këto momente të dhimbshme. Ne do të vazhdojmë të punojmë për pajtimin në Ballkanin Perëndimor”, shkruan Borrell.
Kujtojmë që një person i maskuar qëlloj me kallashnikov mbi autobusin ku udhëtonin 10 persona.
Ndërsa drejtori i përgjithshëm i Policisë së Kosovës, Samedin Mehmeti deklaroi se po hetohen 2-3 pista në lidhje me ngjarjen e rëndë, ku mbrëmë u sulmua me armë një autobus që transportonte nxënës shkolle.
Mehmeti tha për mediat se ka dyshime që të ketë qenë i person i vetëm, i maskuar, që ka hapur zjarr ndaj autobusit, e për pasojë shoferi dhe dy nxënës vdiqën.
