Një tjetër sulm kibernetik ka ndodhur në vend ditën e djeshme, Shqipëria ka rënë sërish pre e një sulmi në sistemin TIMS.
Lajmi është bërë i ditur nga kryeministri Edi Rama, i cili nëpërmjet një postimi një Tëitter, ka njoftuar se sulmi u regjistrua mbrëmjen e djeshsme, ndërsa sipas tij sërish pas sulmit qëndron shteti iranian. Ndërkohë Shtetet e Bashkuara dënojnë sulmin kibernetik të Iranit ndaj Shqipërisë, ku në shënjestër ishte sistemi TIMS në aeroportin e Rinasit. Përmes një mesazhi në Twitter SHBA-të theksojnë se aktivitet keqdashës vjen pas sulmit të 15 korrikut, po nga i njëjti shtet.
Gjithashtu ndër të tjera SHBA pohon se po ofron asistencën e saj që Shqipëria të rimëkëmbet nga ky sulm.
Me sulmin ndaj sistemit TIMS për disa kohë u paralizua punë në aeroportin e Rinasit, por pas ndërhyrjeve, u arrit që të viheshin në punë dy sportele.
Sulmi ndaj sistemit TIMS ka qenë ne disa faza, e cila kulmoi me atë të orës 23:13 minuta duke nxjerrë gjithçka jashtë kontrollit, ndërsa aksesi i iranianëve te kamerat e sigurisë së Rinasit është një cënim i sigurisë kombëtare.
REAGIMI I PLOTË I SHTETEVE TË BASHKUARA TË AMERIKËS (SHBA):
Shtetet e Bashkuara dënojnë sulmin kibernetik të 9 shtatorit kundër aleatit tonë të NATO-s, Shqipërisë. Ky aktivitet keqdashës kundër Shqipërisë vjen pas sulmit kibernetik të 15 korrikut të kryer nga qeveria e Iranit. Qeveria e SHBA po mbështet përpjekjet e Shqipërisë për të hetuar dhe për t’u rimëkëmbur.
