Për shkak të ofensivës në Veri të Sirisë, Ankaraja po përballet me kritika të shumta ndërkombëtare.
Në shumë qytete evropiane janë zhvilluar protesta dhe është treguar solidaritet me kurdët.
Turqia prej ditësh ka filluar një ofensivë ushtarake ndaj popullsisë kurde.
Ankaraja zyrtare i cilëson kurdët si oranizatë terroriste.
Sulmet e ushtrisë turke kanë nxitur kritika të shumta nga e gjithë bota.
Liga Arabe në një seancë ugjente ka kërkuar ndalimin e ndërhyrjes së trupave turke në zonat e kurdëve në Siri, ndërsa ka paralajmëruar edhe mundësinë për vendosjen e sanksioneve ekonomike dhe bashkëpunimit ushtarak.
Edhe Europa e ka kritikuar ashpër ofensivën ushtarake të Turqisë.
Mësohet se kancelarja gjermane, Angela Merkel, nëpërmjet një telefonate, i ka komunikuar presidentit Erdogan, se do të ndalojë eksportin e armëve.
Të njëjtën gjë kanë bërë të ditur edhe shtete si Franca, Holanda dhe Norvegjia.
Edhe SHBA ka kërkuar nga Turqia që të zgjidhë konfliktin.
Pentagoni është acaruar me Ankaranë edhe për shkak të të shtënave në drejtim të ushtarëve amerikanë.
Në shumë shtetet europiane si Gjermania, Suedia, Franca, Belgjika, Zvicra dhe Qipro gjatë kësaj fundjave janë mbajtur protesta, kundër sulemeve të ushtrisë turke.
Ndërkombëtarët janë tepër të shqetësuar për situatën, pasi kurdët kanë qenë një aleat i rëndësishëm në luftën ndaj ISIS dhe dobësimi i tyre mund të sjellë riforcimin e shtetit islamik.
Deri më tani, janë vrarë më shumë se 70 luftëtarë kurdë dhe 40 civilë.
Të dhënat nuk mund të konfirmohen nga burime të pavarura, pasi OKB dhe Turqia, kanë dhënë shifra kontradiktore.
