Një ngjarje tragjike ka tronditur qytetin e Nantes në Francën perëndimore këtë të mërkurë, kur një sulm me thikë në një shkollë të mesme ka përfunduar me një të vdekur dhe tre të plagosur.
Policia franceze njoftoi se viktima ishte një nxënës i shkollës, ndërsa autori i dyshuar, një tjetër nxënës 15-vjeçar, u neutralizua nga mësuesit para se të arrinin forcat e rendit.
Sipas zëdhënësit të policisë, nuk ka të dhëna që sugjerojnë një motiv terrorist për këtë sulm. Identitetet e viktimës dhe të plagosurve ende nuk janë bërë të njohura, ndërsa autoritetet kanë nisur hetimet për të kuptuar shkakun e këtij akti të dhunshëm.
