Katër persona u vranë dhe nëntë u plagosën kur një bombë buzë rrugës goditi një autobus me punonjës të qeverisë Afgane në Kabul të Enjten, ndërsa nëntë anëtarë të forcave Afgane të Sigurisë vdiqën në një përplasje helikopteri të Mërkurën vonë, thanë zyrtarët. Shpërthimi goditi një autobus i cili ishte marrë me qira nga Ministria Afgane e Informacionit dhe Teknologjisë për të transportuar punonjës, tha Abdul Samad Hamid Poya, një këshilltar i ministrisë.
Askush nuk mori përgjegjësinë e menjëhershme për shpërthimin, por qeveria Afgane ka fajësuar kryengritësit Talibanë për sulmet e fundit që synojnë punonjësit e qeverisë, figurat e shoqërisë civile dhe gazetarët.
Talibanët kanë mohuar përfshirjen në fushatë. Bomba vjen në ditën kur qeveria Afgane, Talibanët dhe vendet kryesore, duke përfshirë Shtetet e Bashkuara dhe Rusinë, mblidhen në Moskë për të bërë presion për një ulje të dhunës për të çuar përpara procesin e paqes Afgane.
Ministria e mbrojtjes e Afganistanit gjithashtu tha të enjten se nëntë anëtarë të shërbimit ishin vrarë në një përplasje helikopteri të mërkurën vonë.Heelikopteri u godit nga një raketë gjatë ngritjes në provincën qendrore Maidan Wardak. Ministria e mbrojtjes tha se po hetonte rrëzimin, i cili vrau anëtarët e ekuipazhit të helikopterit, si dhe forcat speciale në bord.
