Stuhia e fortë që ka goditur vendin ka shkaktuar situatë të pazakontë në Aeroportin Ndërkombëtar “Nënë Tereza”, ku u regjistrua një trafik i shtuar ajror. Për shkak të motit të keq, avionët janë detyruar të ulen me shpejtësi, duke krijuar pamje të rralla për udhëtarët.
Sipas raportimeve të qytetarëve, shtatë avionë kanë zbritur njëri pas tjetrit brenda pak minutash. Një avion i kompanisë LOT Air nuk arriti të ulej, pavarësisht tentativave dhe manovrave të pilotit, për shkak të erërave shumë të forta.
Autoritetet i bëjnë thirrje udhëtarëve të ndjekin me kujdes njoftimet për fluturimet, pasi priten ndryshime dhe vonesa në oraret e nisjeve e uljeve.
I njëjta paralajmërim vlen edhe për drejtuesit e automjeteve, të cilët këshillohen të shmangin lëvizjet gjatë stuhisë dhe të qëndrojnë në siguri për të evituar çdo incident.
